Наумче спортист, а Кире суперспортист на годината според Сител ТВ
Ракометарот на македонската репрезентација и член на РК Металург Наумче Мојсовски го доби признанието најдобар спортист на Македонија за 2012 година во организација на Телевизија Сител. Традиционалната манифестација „Асовите бираат асови" се одржа во неделата во Телевизија Сител, а ова беше 21.во издание на оваа свеченост.
Веспрем победник во групата, Атлетико на третото место
Веспрем - Атетико Мадрид 26:19 (12:8)
Во меч кој за Атлетико Мадрид немаше голем резултатски значај, Талант Душебаев се определи да патува со само 11 ракометари и тоа без скоро сите најдобри свои адути. Така фаворитот и победникот во групата Веспрем забележа победа за затворање на својот најдобар период во групната фаза, а Атлетико Мадрид како третопласиран ја очекува ждрепката за осминафиналето.
Атлетико со резервен тим во Унгарија
Последниот десетти меч во групната фаза на Лигата на шампионите за Атлетико Мадрид ништо не значи. Осигурано е третото место и не постои теорија за подобар пласман на гостувањето кај Веспрем во Унгарија. Затоа тренерот Талант Душебаев одлучи за приоритет да го постави мечот со Грањолерс во Купот наредната среда.
Лазаров за Дневник: „Посакувам осминафинале со Металург„
Македонскиот ракометен шампион во машка конкуренција, Металург веќе размислува за осмина-финалето од Лигата на шампионите. Останува уште една пречка пред да се постигне најголемиот клупски успех, второто место во групната фаза од најквалитетното натпреварување.
Атлетико лесно, Лазаров стандардно со фенерџијата
Атлетико Мадрид - Палма дел Рио 29:25 (14:10)
Два дена по натпреварот со Савехоф, нова рутинска победа во „Висталегре„ на ракометарите на Атлетико Мадрид, со Кирил Лазаров како најдобар стрелец. Против Палма дел Рио од Кордоба избраниците на Талант Душебаев повторно започнаа со проблеми. Гузман и Вермировски ги постигнаа првите два гола за гостинската екипа.
ВИДЕО: Лазаров: „Јас сум лош губитник„
Македонскиот спортски херој Кирил Лазаров деновиве говореше за официјалната веб страна на EHF Лигата на шампионите. ТВ екипа од Виена допатува во Мадрид да разговара со нашата „гол-машина„ и Лазаров како и секогаш изненади со некој нов детал како одличен соговорник. Во клубскиот музеј на Атлетико Мадрид пречекан од неговиот голем пријател Хота Омбрадос, Лазаров говореше на неколку теми.
Рутинска победа за гаранција за третото место
Атлетико Мадрид - Савехоф 32:25 (14:11)
Директната пресметка за третото место во групата беше можност, Лазаров и другарите во „Висталегре„ пред 4953 гледачи да му се реваншираат на шведскиот првак за поразот минатата година. Калман и Лазаров од седмерец добро го отворија натпреварот и по стартните 2:2, шпанците постојано имаа водство.
На Атлетико доволно му е само второто полувреме
Хелветиа Анаитасума - Атлетико Мадрид 23:27 (14:10)
Победата над Пивоварна Цеље беше мотив повеќе Атлетико Мадрид да фати континуитет на позитивни резултати и во домашното првенство. Домаќините подобро го почнаа мечот и со головите на Карлос Чокаро поведоа со 2:0.
Победа на „мускули„ за Атлетико Мадрид
Атлетико Мадрид - Пивоварна Цеље 26:24 (12:9)
Враќањето на Лигата на шампионите беше најдобра терапија за ракометарите на Атлетико Мадрид по скоро загубените шанси во ASOBAL лигата. Без серија на повредени ракометари, на кои им се приклучи и Николај Маркусен, Атлетико Мадрид имаше нов словенечки предизвик.
Швајцарците со Португалија во Сент Гален, со нас во Цирих
Швајцарската ракометна федерација ги одреди градовите домаќини на преостанатите домашни мечеви во квалификациите за Европското првенство во Данска 2014 година. Така на 4 април во 19:30 часот во Сент Гален ќе ја угостат Португалија.