Роденденски подароци за „фановите„на Кирил Лазаров
По повод една година од пуштањето во етер на официјалната веб страна на нашиот најдобар ракометар Кирил Лазаров, подготвивме изненадување за сите оние кои секојдневно ја посетуваат оваа веб страна и ја следат кариерата на капитенот на нашата ракометна репрезентација. Со оглед на тоа што потпиша двегодишен договор со Барселона, Лазаров најмалку уште две години ќе остане во Шпанија.
Пасквал: „Сакаме да играме со најдобрите„
По ждрепката за групната фаза на Лигата на шампионите, веднаш се огласија бубмејкерите, кои ја сврстуваат Барселона меѓу најсериозните фаворити за пласман во Келн на завршниот турнир на големата четворка. Тренерот Хавиер Пасквал е задоволен од изборот на противниците:
Познат идеалниот тим на ASOBAL лигата
Ракометните навивачи во Шпанија и Европа го избраа идеалниот тим на ASOBAL лигата за сезоната 2012/2013. Во тимот се наоѓаат четворица играчи на Барса, и тоа голманот Даниел Шариќ, кој доби 24,9 % од гласовите, потоа левото крило Хуанин Гарсија со 47,8 %, десното крило Виктор Томас со 28,5 % и левиот бек Сергеј Рутенка со 32,1 % од гласовите на анкетираните за таа позиција. Досегашниот клуб на Лазаров, Атлетико Мадрид, даде двајца во најдобриот состав на лигата - кружниот напаѓач Хулен Агинагалде доби 52,2 %од гласовите, а средниот бек Јоан Кањељас 14,6 %.
ФОТО: Лазаров на „Широк Сокак„ во Битола
Голем дел од најдобрата македонска репрезентација овој викенд е во Битола на свадбата на репрезентативниот голман и член на Металург, Николче Митревски. Така и семејството Лазаров по подолго време е во градот каде Кире блесна пред 15 години во дресот на Пелистер. Иако останува само еден ден, Лазаров го разбранува градот под Пелистер.
Дебакл и осмо место за Македонија во Мерсин
Медитерански игри - Мерсин (Турција) - 2013 година
Македонија - Тунис 19:35 (10:16)
Македонската ракометна репрезентација го освои осмото место во конкуренција на 10 репрезентации на Медитеранските игри во Турција, по последниот пораз од Тунис со 19:35. Така неславно заврши првиот настап на Македонија на Медитеранските игри.
Барселона тргнува од Скопје
Барселона патот кон освојување на европската круна ќе го почне од Скопје. Познат е и редоследот на натпревари во Ц групата на Лигата на шампионите.Првиот и последниот меч новата екипа на Лазаров ќе го игра во гости кај Вардар и кај победникот на квалификационата група. Еве како изгледааат сите 10 средби од првата фаза на Лигата на шампионите на каталонскиот гигант.
Лазаров: „Одлична група, среќен сум за мечевите во Париз и Скопје„
Веднаш по виенската ждрепка за новата Лига на шампиони, Кирил Лазаров го изрази своето задоволство од противниците во првата фаза. Посебно за некои од нив .
Барса во група со ПСЖ и Вардар, а можеби и со Металург
Кирил Лазаров и неговиот нов клуб Барселона, вечерва ги дознаа своите пет противници во Лигата на шампионите за сезоната 2013/14. По денешната ждрепка во Виена, шпанскиот првак ќе биде во групата Ц заедно со моќниот француски ПСЖ на Микел Хансен и Даниел Нарцис, македонскиот првак Вардар засилен со новиот спонзор Самсоненко и официјални засилувања како Тоскиќ, Дибиров и Стефан Терзиќ, швајцарскиот Вакер Тун и два противника кои ќе бидат познати по квалификационите турнири, а еден од нив е и турнирот на клубови со Вајлд-карта (Металург, ПИК Сегедин, Монпеље, Висла Плок).
Лазаров и Барса во август во Хрватска
Хрватските медиуми ја потврдија веста дека големата шпанска Барселона со двете последни засилувања Лазаров и Карабатиќ во август ќе бидат гости во оваа ракометна земја. На 27 август нашиот ас ќе биде дел од спектакуларниот меч во Загреб, на кој ќе настапи со неговиот нов клуб Барселона Интерспорт.
Победена Турција за крај на турнирот
Медитерански игри - Мерсин (Турција) 2013 година
Македонија - Турција 24:23 (9:9)
Македонските ракометари со победа го завршија настапот во групата на Медитеранските Игри, откако денес беа подобри во пресметката со Турција (24:23). Во Адана, која останува со лоши спомени за нашиот ракомет, македонските репрезентативци одиграа солиден меч и му го нанесоа првиот пораз на домашната селекција. Не беше лесно да се заборават разочарувачките порази од Италија и од Србија и да се забележи втората победа во натпреварувањето.
