ВИДЕО: Раул Ентрериос: „Сериозно пристапивме и заслужено славевме„

Несреќниот Раул Ентрериос кој не настапи на светското првенство заради повреда на неколку недели пред стартот на турнирот, ја знае причината за триумфот. „Ние многу сериозно му пристапивме на овој натпревар и заслужено победивме. Нашата одбрана е клуч на успехот. И Штербик е во голема форма. А и вашата селекција не е иста со и без Кирил Лазаров. Ова за нас е голема работа, но не очекува и возвратен меч в недела. Никогаш не е лесно кога ќе се загуби на домашен терен, но сепак игравте против светскиот првак„ ни рече ракометарот на Барселона Раул Ентрериос. По пензионирањето на неговиот брат Алберто кој игра во Франција, помладиот Раул ја превзема улогата на организатор во селекцијата која во наредните две години до Катар 2015 ја брани светската круна.