Повикан Чема Родригез место повредениот Сармиенто

Нови невољи за селекторот на актуелниот светски првак пред двата квалификациски меча со Македонија. Имено Шпанија во Скопје в понеделник ќе допатува и без организаторот на играта на Барселона, Даниел Сармиенто. Тој заработи мускулна повреда за време на тренингот на репрезентацијата во близина на Барселона и нема да патува за Скопје. На негово место е повикан ракометарот на Веспрем и бившиот соиграч на Лазаров во Атлетико Мадрид, Чема Родригез. Иако тој имаше намера да одмора во родниот Ваљадолид сепак ќе се врати во националниот тим по скоро едногодишна пауза.