Потврден рекордот, Македонија ќе игра пред полн стадион против Франција

Германската ракометна федерација потврди дека на првиот ден на фудбалскиот стадион во Дизелдорф, на кој првенството ќе го отвори Македонија во дуел со Франција, ќе има повеќе од 50.000 гледачи. Толку билети се продадени во моментов, иако таа бројка ќе биде и поголема.

Актуелниот рекорд за посетенотс на ракометен натпревар исто така беше поставен на фудбалски стадион. 44.189 гледачи присуствуваа на Рајн-Некар Левен против Хамбург на арената во Франкфурт во 2014 година. Најголемиот број на публика на ниво на ЕП беше 20.022 гледачи. Арената во Будимпешта беше распродадена трипати за натпреварите на Унгарија за време на ЕП 2022 година.

Истиот ден, но подоцна во истата сала во „Меркур Арената" играат и Германија против Швајцарија. Натпреварот Македонија – Франција почнува во 18:00 часот, додека Германија и Швајцарија почнуваат во 20:45 часот.