Промоцијата на српското издание на автобиографијата „Секогаш на победа“ во Белград

Љубителите на ракометот и почитувачи на еден од најголемите мајстори на ракометниот спорт во 21 век во соседна Србија, македонскиот ас Кирил Лазаров, вчера можеа да го видат во живо на промоцијата на неговата автобиографија „Секогаш на победа" во Белград.

На Факултетот за спорт „Унион - Универзитетот Никола Тесла" интересот беше голем. Автобиографското дело напишано во соработка со уредникот на „Balkan-Handball" Жика Богдановиќ, беше објавено во ноември минатата година на македонски, а потоа и на српски јазик. На повеќе од 200 страници Кирил Лазаров зборуваше за сите фази и аспекти од својата кариера, од почетоците во Свети Николе до самиот крај во Нант.

Сите заинтересирани во Србија кои уште не ја купиле книгата, можат да ја пронајдат во книжарницата Беополис во центарот на Белград или преку веб-страница ( Оваа е-адреса е заштитена од спамботови. Треба да ви е овозможено JavaScript за да ја видите. ).