Прекината сезоната во ЕХФ Купот
Европската ракометна федерација одлучи да го поништи натпреварувањето во ЕХФ Купот за сезоната 2019/20. Иако претходно беа одредени нови термини за доигрување на сезоната во летните месеци, според најновите информации, нема услови за натпреварување во јули и август.
Фуксе Берлин и Германија беа одредени за организација на завршниот турнир, најнапред на 23 и 24 мај, а потоа и на 29 и 30 август, но сега двата термини се недостапни. Организаторот одлучи сезонава натпреварувањето да нема победник.
Нант, каде што настапува капитенот на македонската репрезентација Кирил Лазаров беше на прагот да ја мине групната фаза, но по одложувањето, таа опција е ирелевантна.
Новата сезона на европските купови предвидена е за септември и октомври 2020 година.