ФОТО: Бадниковата паричка кај Стојанче Стоилов

Со денешниот заеднички ручек, македонската ракометна репрезентација го одбележа големиот христијански празник Бадник, во чија што традиција спаѓа и традиционалниот бадникот мазник со паричка.

Репрезентативците го свртеа мазникот, а паричката „падна„ кај кружниот напаѓач на Вардар и репрезентацијата Стојанче Стоилов. Тоа е сигнал за среќна и бериќетна година, па и нему и на целата репрезентација 2014 нека им биде исполнета со радости, почнувајќи од европското првенство во Данска. Од утре ракометарите продолжуваат со тренинзи, до саботното утринско заминување со чартер за Хернинг.