ФОТО: Кирил Лазаров ги пречека и посети вардарци

Екипата на Вардар во петокот пристигна во Барселона, каде в сабота попладне го игра мечот од седмото коло против првакот на Шпанија. Според програмата "црвено-црните" вечерва имаа еден тренинг од 19.00 часот.

Капитенот на македонската репрезентација, Кирил Лазаров, ги посети ракометарите на македонскиот шампион во хотелот во кој се сместени. Притоа посетата ја искористи да се види со својот брат Филип Лазаров, кој настапува во дресот на македонскиот шампион Вардар. Инаку, кога сме кај капитенот на македонскиот шампион, неговиот настап е неизвесен, откако се пожали на повреда, пред заминувањето во Барселона.