Кирил Лазаров, кандидат за спортист на Балканот

Македонија ќе има четворица кандидати во изборот за најдобри спортисти на Балканот за 2013 година, во традиционалната анкета на бугарската новинска агенција БТА.

Од нашата земја кандидати се кошаркарот на НБА составот на Атланта Хокс, Перо Антиќ, ракометарот на шпанската екипа Барселона, Кирил Лазаров, како и двајцата фудбалери кои настапуваат во Италија, Горан Пандев во Наполи и Агим Ибраими во Каљари. Освен Македонија свои кандидати во овој избор имаат уште Албанија, Босна и Херцеговина, Бугарија, Хрватска, Грција, Црна Гора, Романија, Србија и Турција. Најдобриот спортист на Балканот за 2013 година, во традиционалниот 41. по ред избор на БТА ќе биде прогласен на церемонијата на крајот на декември во Софија.