Победа за среќен 70 роденден на Барса

Триумфот над Динамо Минск се поклопува со 70 години од формирањето на ракометната секција на, инаку повеќе од еден век старата каталонска институција, Барселона. Како што најчесто бива, јубилејот беше одбележан со победа и егзибиција на дрим-тимот на Пасквал.

Иако во невобичаен термин и пред нешто преку 2000 гледачи, професионалците на Барселона ја завршија работата како што тоа од нив се очекува. Во овие 70 години ракометната секција на каталонската гордост има толку многу трофеи што заедно со хокеарскиот тим кандидира за најуспешен дел од клубот во кој партиципираат фудбалскиот, кошаркарскиот, ракометниот, хокеарскиот и тимот во футсал. Со оглед на тоа што сезоната трае, а Барса веќе има два трофеи во џебот, ова може да биде перфектна година за одбележување на јубилејот.