Најмладите ракометни бисери од школата „Лазарови„ од Свети Николе со посебно внимание го следеа отворањето на Б групата во Лигата на шампионите и мечот на браќата Лазарови меѓу себе.
Прашање е за кого навиваа, но сигурно е дека уживаа во спектаклот кој го понудија македонскиот и шпанскиот шампион. Дури и силата на големата Барселона по петти пат во нашата земја ја почувствуваа нашите клубови. Но за прв пат по четири порази, една наша екипа на домашен терен остана непоразена против екипата, која осум пати била на врвот на Европа.