Ракометарите на Барса ќе ги претстават трофеите на „Ноу Камп„
Подобро не можеше да почне сезоната на ракометната секција на големата Барселона. Шест официјални натпревари и исто толку победи и она што е најважно два освоени трофеи: IHF Суперглоб во Доха и ASOBAL Суперкупот во Ваљадолид.
Како што е обичај со целото спортско друштво Барселона, двата трофеи, ракометарите на Пасквал меѓу нив и Кирил Лазаров, ќе ги покажат пред големиот аудиториум на исполнетиот „Ноу Камп„ в сабота пред мечот од 4 - коло на Шпанската Ла Лига меѓу Барселона и Севиља. Најнапред каталонците треба да ја завршат својата задача на мечот од 1 коло на ASOBAL лигата со Сиудад Енкантада, а потоа да стегаат палци за своите колеги од фудбалската екипа.