„Powerade„ наградата во рацете на Кирил Лазаров
На почетокот од новата ASOBAL сезона, во предвечерјето на Суперкуп дуелот на Барселона и Натурхаус Ла Роха, беше одржана гала свеченоста во Ваљадолид. На неа македонскиот интренационалец Кирил Лазаров ја прими наградата „Powerade„ за ракометар со најмногу натпревари во сезоната 2012/13 во дресот на мадридски Атлетико (37 меча во сите натпреварувања).
Лазаров пропушти само еден натпревар и со тоа стана најиздржлив ракометар во целата лига. На свеченоста беше прогласен и идеалниот тим на минатата сезона. Во него се најдоа: Даниел Шариќ (Барселона), Хуанин Гарсија (Барселона), Хулен Агинагалде (Атлетико Мадрид), Виктор Томас (Барселона), Сергеј Рутенка (Барселона), Јоан Канељас (Атлетико Мадрид) и Алекс Душебаев (Арагон). Виран Морос (Барселона) е најдобар дефанзивец, а Гонзало Пораз од Ваљадолид, најдобар дебитант. Најдобар тренер е Хота Гонзалез од Натурхаус Ла Роха, а најкорисен ракометар втора година по ред е Хулен Агинагалде.