Монторо потпиша за Тулуз

Шпанскиот првак Барселона веќе го конструира својот ростер за сезоната 2013/14. Така на неколку часа пред промоцијата на Кирил Лазаров, клубот го одстапи на една сезона Анхел Монторо на францускиот Тулуз. Монторо со Барса во една сезона освои ASOBAL лига, ASOBAL Купот, ASOBAL Суперкуп и Суперкупот на Каталонија. Тој местото ќе му го одстапи на нашиот репрезентативец, а на таа позиција во клубот ќе остане и Гурбиндо. Монторо кој дојде во јуни 2012 година од Адемар Леон е трето заминување од Барселона по Јернемир и Агирезабалага.