ФОТО: "Фалангата" го поплави Цирих
Стотици македонски навивачи од цела Швајцарија и овој дел од континентот во текот на целиот ден го обоија Цирих со црвено-жолта боја, а и во предвечерјето на важниот натпревар во „Саалспортхале„ се слушаше само македонска песна. Пред салата каде ќе се игра средбата се собираа, се групираа, се боеа во боите од нашето знаме, прераскажуваа спомени од Ниш, Белград, Гетеборг, Севиља. Некои познати, некои нови лица кои заедно се дел од најдобрата репрезентативна армија на навивачи - Македонската Фаланга. Видно беше голем бројот на мали деца и на девојки кои го почувствуваа моментот да ја понесат нашата репрезентација. Како ретко каде, можеби како во Скандинавија минатиот април, македонската ракометна репрезентација ќе се чувствува како дома, играјќи во центарот на Европа, во швајцарскиот Цирих.
од „„Саалспортхале„ - Цирих, Швајцарија - Зоран Мишевски