ФОТО: Во „Саалспортхале„ позитивни црвено-жолти вибрации

На повеќе од еден час од почетокот на клучниот натпревар за пласман на европското првенство во Данска, македонските ракометари го имаа првиот контакт со „Саалспортхале„ по двата тренинзи кои ги одработија синоќа и утринава. Ведрина, насмевки и позитивна атмосфера кај избраниците на Ивица Обрван и наговестување на многу црвено-жолта боја на трибините, што дополнително треба да направи да се чувствуваме како дома.

Заборавени се сите ситни повреди, подготвена е тактиката и со сите сили нашите ракометари ќе се обидат по втор пат во овие квалификации да ја совладаат Швајцарија. Само така местото во хотелската фотелја во Цирих пред мечот Португалија - Шпанија вечерва ќе биде удобно.

од „„Саалспортхале„ - Цирих, Швајцарија - Зоран Мишевски