ФОТО: Дружење на старите пријатели во Цеље

Прошталниот меч на Дејан Периќ на едно место обедини многу големи ракометни имиња од целиот континент. Така во пресрет на натпреварот попладне од 18:00 часот, неминовно е дружењето, потсетувањето на старите добри ракометни денови, по некоја анегдота и слично. Дејан Периќ одсекогаш бил тесно поврзан со македонскиот ракомет. И не само заради настапот во Пелистер. Кирил Лазаров е негов голем пријател, а уште една македонска спортска легенда Пепи Манасков е негов кум. Тие двајцата заедно со Џорџиќ и Периќ утринава имаа заедничка средба која во мина во ведра атмосфера и многу смеење. Веројатно слично ќе биде и по натпреварот кога сите актери на прошталниот натпревар ќе се соберат на заедничка вечера.