ВИДЕО: Душебаев: „Зад нас е нормална сезона„

Според Кирил Лазаров каризматичниот Талант Душебаев е фантастичен тренер, внимава на сите детали, со него ракометарот станува подобар и подобар. Анализата на сезоната Душебаев ја започна во свој стил:

„Зад нас е само нормална сезона. Не можам да бидам задоволен. Иако освоивме две титули, ја започнавме и ја завршивме сезоната со трофеј, сепак прерано испаднавме од борбата за титулата во ASOBAL лигата. Имавме многу промени во играчкиот кадар за разлика од минатата сезона, имавме серија на повредени ракометари во текот на целата сезона и тоа остави трага. Пред се во играта во одбрана не бевме какви што посакувам. Штета за четвртфиналето на Лигата на шампионите, каде бевме компетитивни во двата натпревари„ ни рече Талант Душебаев, одбивајќи инвидуално да ги анализира своите ракометари, бидејќи како што сака да каже, за него колективот е најдобар играч. Трета сезона со Талант Душебаев, нашиот најдобар ракометар Кирил Лазаров е најдобар стрелец во сите натпреварувања за Атлетико Мадрид.