ВИДЕО: Ангеловски: „Време е да им наплатиме на германците„

Од трагичниот пораз на Пелистер од Лемго во минатиот век, до начинот на кој Вардар Про беше елиминиран од Магдебург пред само неколку месеци. Преку исклучувањето на капитенот Лазаров во Вараждин и спорниот гол во Ниш. Се се тоа нашите тажни приказни против германските клубови или репрезентации.

Борбениот Бранко Ангеловски верува дека е време да се наплатат сметките. „Мислам дека дојде време да го дадеме најдоброто од себе за да се обидеме да ја елиминираме Германија. Не е така извесно за да се прогласиме за фаворити, но мислам дека Германија повеќе ни лежи од Франција и тоа треба да го искористиме„ ни изјави битолчанецот Ангеловски по мечот со Данска, кој ни донесе исполнување и на втората цел во групата во Севиља. Да ја минеме групната фаза и да ја избегнеме Франција. Сега пак топката ја префрламе кај противникот, кај тимот кој ја претставува најсилната лига во светот - Бундеслигата.