Пораз од ГРК Охрид на дебито на Голден Арт КЛ7 во Суперлигата
Очекуван пораз на младата екипа на Голден Арт КЛ7 во својот прв натпревар во Суперлигата. Фаворитот, екипата на ГРК Охрид забележа победа со резулат 23:29. Гостите од Охрид одлично го отворија натпреварот, со водство од 1:4, а за брзо време поведоа и со 3:8. Водството го задржаа во текот на целиот натпревар, а на крајот од првиот дел дојдоа и до максимални девет погодоци разлика (8:17).
Вториот дел домаќинот го одигра далеку поквалитетно и подобро, младите момци како да ја победија почетната трема од Суперлигата, па вториот дел го добија со резултат 15:12, но тоа беше недоволно за промена на конечниот резултат, па на крајот неминовен беше првиот пораз со резултат 23:29
Голден Арт КЛ7 – ГРК Охрид 23:29 (8:17)
Голден Арт КЛ7: Петкоски, Петрески, Буторац, Ѓорговски 3, Гајиќ 1, Стојковиќ 1, Темелкоски 2, Симоноски 4, Крстески, Стојков, Димовски 2, Даев, Ѓоргиев 5, Илиески 4, Цветаноски 1,
Седмерци: 4/5
Исклучувања: 6 минути
Следниот натпревар Голден Арт КЛ7 го игра веќе в понеделник на гостувањето во Радовиш.