Нова победа на КЛ7, убедливо совлада екипата на Јехона
Младите ракометари на КЛ7 дојдоа до својата осма победа во деветото коло од Првата ракометна лига. Овој пат младата екипа ја совлада екипата на Јехона со резултат 38:27 (22:12) и се наоѓа на чекор до пласман во плеј-оф натпреварувањето.
Натпреварот започна израмнето со игра гол за гол, се до 10. минута, кога екипата на КЛ7 постигна неколку брзи погодоци и прво дојде до водство од 6:4, а потоа со серија од 4:0 и до 10:4. До крајот на првото полувреме предноста се зголеми на десет погодоци разлика и КЛ7 замина со водство од 22:12.
Во вториот дел тренерот Бошковски им даде шанса и помладите кадети кои одлично се носеа со повозрасната екипата на Јехона па натпреварот го завршија со конечни 38:27.
КЛ7 – Јехона 38:27 (22:12)
КЛ7: Петрески, Трајкоски, Стојков 7, Крстески, Миленков 3, Даев 1, Ѓоргиев 2, Каковски 2, Симоноски 1, Џигероски 1, Ерманоски, Илиески 4, Павлов 2, Мартин Димовски 8, Гучески 7.
Седмерци: 1/3
Исклучувања: 16 минути
Во следното коло КЛ7 ќе се сретне со екипата на РК Аеродром.