Нант пак победува, совладан Сант Рафаел во дербито од третото коло
Во последниот натпревар од третото коло на францускиот шампионат, Нант извојува победа против Сант Рафаел со 28:22 (13:13) и им се врати на победите по поразот на теренот на ПСЖ во второто коло.
Првиот дел беше целосно израмнет, ниту една од двете екипи не се наметна, а имаше и чести израмнувања. Со 13:13 се замина на одмор, а нападите преовладуваа пред одбраните.
Асистенциите на Лазаров и головите на Турна и Мин донесоа +4 за екипата на Алберто Ентрериос во почетната фаза на второто полувреме.
Во следното четврто коло екипата на нашиот репрезентативен капитен гостува кај новајлијата Шартр. Гајдученко и репрезентативното крило Сошето го враќаа Сант Рафаел, но поквалитетниот домаќин одолеваше на нападите. Без драматика Нант издвојува победа од 25:22 и ги оправда предвидувањата пред почетокот на натпреварот.
Најефикасни во тимот на Нант беа Турна со шест, Ривера со пет, Мин со четири и Лазаров со три гола, а кај Сант Рафаел се истакнаа Јилденбанк и Сошето со по четири погодоци. ПСЖ е единствена екипа со максимални три победи, а Нант е во групата на тимови со две победи и еден пораз (баш од ПСЖ).