Лазаров: Добивме шлаканица, но квалификаиците уште не се загубени
Капитенот на македонскта ракометна репрезентација, Кирил Лазаров пак беше критичен кон играта на националниот тим, исто како во четвртокот во Битола. Лазаров опомена дека поразот од Грција е срамен, но шансите за квалификација уште постојат.
„Срамен пораз, добивме шлаканица, одигравме катастрофално. Изгледа тоа што го кажав по мечот со Турција во Битола никој не ме сфати сериозно. Квалификациите не се загубени, има уште многу натпревари, но ова е голем удар за нашата репрезентација", заврши капитенот.
Нашата селекција вечерва се врати во Битола, од каде ракометарите ќе се упатат кон своите клубови и ќе се вратат на секојдневните обврски.