evroins

logo-kmg

hummel Logo 160 

signiori

LIVESCORE.in
OFF

Лазаров пак без грешка, Нант вторпат ја надигра Висла

so wisla

Нант – Висла 32:30 (18:12)

Ракометарите на Нант извојуваа нова победа во Лигата на шампионите, откако вторпат оваа есен славеа против Висла, овој пат пред своите гледачи со 32:30 (18:12). Кирил Лазаров одигра уште еден одличен натпревар и постигна три гола без промашување.

Французите добро започнаа, погоди Лазаров, а Буриќ и Белегер беа посебно мотивирани. Предноста на избраниците на Анти беше од минута во минута поубедлива, па на одмор се замина со 18:12. Единствено Крајеви кој постигна три гола во првиот дел беше расположен во таборот на полскиот вицешампион.

Дуарте одлично го започна вториот дел и со серија 4:0, Висла намали на 18:16. Но, тогаш Нант повторно врза позитивна серија и Фалувеги со два гола и Лазаров со уште еден вратија спокој со предност од 25:20 на средина од вториот дел. Искусна екипа како Нант не дозволи изненадување и лесно го приведе натпреварот кон крај со победа од 32:30.

Најефикасни поединци во таборот на Нант беа Буриќ со 6 и Турне со 5 гола, а кај Висла се истакнаа Дуарте со 5 и Крајовски со 4 гола. Со оваа победа продолжува позитивниот ноември за екипата на Лазаров, која во декември ќе влезе со одличен резултат во Лигата на шампионите.