Лазаров по 12 години пак во Битола за последниот натпревар во кариерата на Ангеловски
По 12 години Кирил Лазаров повторно играше пред битолската публика на последниот натпревар во кариерата на Бранислав Ангеловски. Капитенот на репрезентацијата беше пречекан со овации од близу 4.000 гледачи. Капитенот на националниот тим ги шутираше седмерците, но повторно беше ѕвезда број еден меѓу присутните.
Во нашата земја, Лазаров како изданок на школата на Овче Поле, првите професионални натпревари ги одигра за Борец на само 16 години, а во Пелистер мина четири сезони пред да се пресели во Хрватска и од тој момент уште настапува надвор од границите на нашата земја.
Од вторник Лазаров се враќа во својот клуб и ќе продолжи со рехабилитацијата пред завршните натпревари во францускиот шампионат и Лигата на шампионите.
ФОТО: www.gol.mk