Лазаров тренира со националната селекција во Скопје
Капитенот на македонската ракометна репрезентација, Кирил Лазаров вчера се приклучи на тренинзите на македонската репрезентација на ЕХФ неделата. Повредата на стомачните мускули е минато и прегледите покажаа дека Лазаров се чувствува подобрo и вчера тој одвоено тренираше со екипата.
Надвор од стројот тренираа и Филип Кузмановски од Металург, како и Филип Талески, кој се мачи со повреда заработена при настапите за Рајн Некар Левен.
До крајот на неделата македонската селекција ќе тренира во Скопје за да ја создаде потребната хемија за Европското првенство во Хрватска. Во јануари противници на нашиот национален тим се Црна Гора, Словенија и Германија.