Нант и Лазаров во финалето на турнирот во Ван

Ракометарите на Нант ќе играат во финалето на турнирот во Ван, а за титулата ќе се борат со данскиот Силкеборг. Екипата на Кирил Лазаров одигра авторитетно како и на „Шпаркасе Купот" и го победи Холстебро со 36-29.

Во текот на целиот натпревр „црните" водеа и не го доведоа победникот под знак прашалник.

Финалниот натпревар се игра денес од 18:00 часот, а овој тест е еден од последните пред Суперкупот на Франција, новата сезона и подоцна Лигата на шампионите.