ВИДЕО: Кавтичник: „Имате добар тим, треба само да продолжите така„
Штотуку се врати по тешката повреда Вид Кавтичник кој некогаш играше за Кил, ја продолжи тезата дека Словенија се обидува да ја копира играта на славната германска екипа која ја предводеше Сердарушиќ.
„Дениќ беше во стручниот штаб на Сердарушиќ во Кил и има некои акции како него. Сепак рано е за такви споредби. Вие сте слични како нас. Имате добар ростер и игра. Некогаш мали работи ги решаваат пласманите и местата на турнирот. Генерацијата која ја имате треба да ја негувате и надградувате„ ни рече Кавтичник. Ракометарот на Монпеље потврди дека по повредата не може веднаш да влезе во ритам и дека игра на парче на ова првенство. Но тоа е уште една врлина на оваа селекција. Иако е голема звезда, Вид Кавтичник се подредува на колективот и помага во обидот неговата репрезентација да испише историја.