ВИДЕО: Митревски: „Оваа репрезентација е на вистинскиот пат„

По Борко Ристовски и неколку години помладиот Николче Митревски, од натпревар во натпревар созрева и веројатно во него нашата земја добива голема сигурност на голот. И покрај поразот од Данска, битолчанецот не тагуваше, напротив, веднаш со мислите се насочи кон Германија. „Мислам дека какви што се шансите на германците, такви се и нашите. Ние сме на вистинскиот пат. Ја остварувме нашата цел и сега во Барселона одиме да се обидеме да ја елиминираме Германија. Нема да биде нималку лесно, бидејќи го знаеме нивниот стил. Играат 6-0 одбрана, ни малку не се нежни и сигурно ќе ни создадат многу проблеми„ ни рече Митревски, кој конечно ја користи својата шанса, откако стручниот штаб му укажува доверба, напоредно со исто така одличниот Борко Ристовски.