ВИДЕО: Шариќ: „Среќен сум и испразнет, ја посакувам Шпанија во финале„
Со сличен учинок како против Германија во четвртфиналето, соиграчот на Кирил Лазаров од Барселона, Даниел Шариќ има огромни заслуги во историската победа за финале на малиот Катар. Тој беше најбаран од победничката селекција по натпреварот, посебно од балканските новинари, но имаше време и енергија само за неколку збора:
Катар е првиот финалист на својот мундијал
Пред само неколку дена изгледаше неверојатно, но сега е веќе официјално. Катар обезбеди место во финалето на 24 светско ракометно првенство. Пред 15.000 гледачи во „Лусаил„ арената падна Полска на Биглер, која не ја повтори одличната дефанзивна партија со Хрватска, претходно и со Шведска. Појаците одлично го почнаа натпреварот и ги реализираа првите осум напади со неверојатна леснотија. Микаел Јурецки и Сипрзак ја „решетаа„ мрежата на Стојановиќ и Ривера во 9 минута го внесе Шариќ на голот.
Голужа: „Им честитам на моите ракометари, ги извлекоа последните атоми„
Не беше лесно да се биде Славко Голужа деновиве. Сите можни критики и обвинувања стигнаа на негова адреса и мечот со Полска во средата беше окарактеризиран како национална трагедија за хрватскиот народ. Затоа добредојдена беше победата од 28:23 во денешниот меч за пласман против Германија.
Хрватска лесно ги мина германците и ќе игра за петтото место
Ако воопшто може да се поправи впечатокот по поразот од Полска, момците на Голужа тоа го направија со денешната победа притив Германија. Германците подобро го почнаа мечот и преку Винцек и Генсхајмер поведоа со 2:5 во 8 минута. Но по тајм-аутот на Голужа, хрватите се вратија во мечот и Степанчиќ израмни на 6:6 во 14 минута. Сега ред беше на Дагур Сигурдсон да побара минута одмор, откако Вори и Дувњак и пред се Мирко Алиловиќ, ја оддалечија Хрватска до 10:7 во 21 минута.
ВИДЕО: Л. Карабатиќ „Не сме фаворити, шпанците се светски прваци„
По заминувањето на Дидие Динар кој сега е во стожерот на Онеста, имаше големи дилеми за тоа како Франција ќе се справи со дефанзивниот лидер в иднина. Најкорпулентната репрезентација на шампионатот не зависи од ниту еден ракометар, а дефанзивата и на овој турнир е одлична. Лука Карабатиќ добива голема минутажа и се поактуелен е и на ракометниот пазар:
Српски судии за првото, а словенечки за второто полуфинале
IHF им верува на балканските судии и ги номинира за најважните мечеви од завршницата на светското првенство во Катар. Српските судии Стоиљковиќ и Николиќ ќе го водат мечот Полска - Катар, а словенците Крстиќ и Љубиќ ја добија довербата за европското дерби меѓу Франција и Шпанија. Драган Начевски е официјално лице на првото полуфинале меѓу домаќинот и полјаците.
Домашен терен, многу веројатно значи медал во ракометот
Домашниот терен во машкиот ракомет од секогаш бил голема предност и скоро сигурна опција за освојување на медал. Во анализата на европските и светските првенства од 2000 година до денес, на 15 шампионати, дури 8 медали однеле домашните репрезентации. 6 од тие 8 медали биле златни, а на светските првенства како домаќини на златото се радувале Франција, Германија и Шпанија.
Полска утре го презентира проектот за наредното ЕУРО
В сабота од 14 часот во големата „Лусаил арена„ каде ќе се игра финалето на мундијалот, полската ракометна федерација ќе одржи прес-конференција на која ќе го претстави целиот проект за организација на наредното европско првенство во јануари 2016 година.
ВИДЕО: Ривера: „Заедничката работа од пет месеци дава резултати„
Катар за прв пат во својата историја ќе игра полуфинале на една светска приредба и може годината во која ги освои азискиот шампионат и азиските олимписки игри, да ја заокружи со медал од светско првенство. Нема дилеми дека голема работа е што меѓу Полска, Франција и Шпанија, малата држава од Азија игра полуфинале:
ВИДЕО: Порт: „Сеедно ми е каде играм, важно е да победуваме„
На последното европското првенство, Валентин Порт беше вистинско откритие. Тогаш како десен бек го искористи неиграњето на Бараше и одигра импресивно финале против Данска. Сега на овој турнир игра повеќе како десно крило, бидејќи Лук Абало се повреди пред турнирот да почне и затоа ракометарот на Тулуз се користи на оваа позиција:
