Лазаров пред Рутенка по четири одиграни средби
Двајца ракометари на Барселона се на врвот на листата на стрелците по четири одиграни мечеви на европското првенство во ракомет. Македонскиот голгетер Кирил Лазаров со 31 гол од 62 удари е на првото место на листата на стрелците, впрочем од почетокот на турнирот. Веднаш зад него и покрај тоа што загуби, како и Лазаров, во првото коло од четвртфиналната група е Сергеј Рутенка од Белорусија со 30 гола од 49 удари.
Карабатиќ ја доближи Франција до полуфинале и медал
Франција - Хрватска 27:25 (18:17)
Долгогодишната ракометна класика меѓу Франција и Хрватска подобро ја отворија „коцкестите„ Посебно мотивиран беше Марко Копљар, кој беше силно критикуван во првата фаза на натпреварувањето, а за 30 минути постигна 7 гола и за него момците на Онеста немаа решение.
ВИДЕО: Пецаковски: „Мора многу да трчаме против исланѓаните„
Исланд е главната точка на дневниот ред веќе втор ден во нашиот табор. Нема дилеми дека ќе биде проучен и најмалиот детал од оваа репрзентација, но прашање е колку и како момците на Обрван тоа ќе може да го спроведат на теренот. Дејан Пецаковски е опасност од втор план за Густафсон и одбраната, а неговата самодоверба расте по последниот негов инвидуален настап против Унгарија
Лазаров го пропушти вечерниот тренинг пред Исланд
Откако вчера алармот беше вклучен заради повредата на Велко Марковски и проблемите со зглобот на Гоце Ојлески, двата денес редовно тренираа, но последниот тренинг пред мечот со Исланд, утре во 16 часот го пропушти капитенот Кирил Лазаров. Имено нашиот најдобар ракометар и стрелец се пожали на болка на десната препона, на одразната нога и превентивно вечерва не тренираше.
Исланѓаните ја изнафалија нашата репрезентација
Во мир и задоволство поради победата над Австрија и начинот на кој се стигна до неа, исланѓаните одработија тренинг во вечерниот термин во помалата арената во Хернинг и ги наполнија со комплименти нашите ракометари. Дипломатските одговори се поклопуваа, а малкумина говореа нешто поконкретно за утрешната средба и карактеристиките на нивниот нареден противник. Достапни исланѓаните разговараа со сите нашите новинари, а Густафсон и Гунарсон го поделија своите мислења со македонските читатели на ЕКИПА:
Шведска мораше по потешкиот пат
Русија - Шведска 27:29 (13:20)
Во еден од најлошите дефанзивни натпревари на ракометарите на Русија, швеѓаните максимално ја искористија нивната млада и бавна игра и со постојани менувања на местата до врв ја наполнија мрежата на „зборнаја„ Заменикот на Ким Андерсон, Јохан Јакобсон одигра одлично прво полувреме и постигна 6 гола. После 9:6 во 14 минута, момците на Штафан Олсон и Ола Линдгрен „нагазија„ и со црвста одбрана командувана од Тобијас Карлсон, постигнуваа лесни голови.
Снори Гудјонсен: „Одбраните ќе бидат клучни против Македонија„
Претпладнево пред исланѓаните да го „скенираат„ нашиот тим преку видео материјал, разговаравме со Снори Гудјонсен за разликата меѓу оваа Македонија и онаа со која се соочуваа на последните големи натпреварувања, конкретно во Севиља минатата година, кога скандинавците беа поуспешни со водство од првата до последната минута. Универзалниот ракометар верува дека како и скоро секогаш, одбраните ќе бидат клучни за конечниот исход на оваа средба:
Јуркиевич ја „извади Полска од мртвите„
Полска - Белорусија 31:30 (14:13)
Првиот меч во денешната програма во Архус, беше соочувањето на Полска и Белорусија. Домаќинот на наредното европско првенство, подобро го отвори мечот, но Сергеј Рутенка возврати и при 4:4, Биглер побара тајм-аут. Централната фаза на првиот дел им припадна на белорусите, во чиј што табор одбраната подобро функционираше и Бабичев и Камишик донесоа 6:8 во 18 минута.
Велко Марковски има хематом, Ојлевски ќе биде спремен
По натпреварот со Унгарија листата на повредени играчи кај Македонија е зголемена. Велко Маркоски по лекарската препорака остана надвор од игра во вториот дел откако на грбот му се појавил хематон, а селекторот Ивица Обрван на прес конференцијата истакна дека сеуште не знае за што станува збор. Гоце Ојлески во еден момент побара замена откако лошо згазна и го свитка глуждот на левата нога.
ФОТО: Не му е на секого забавно во Хернинг
Изгледа неверојатно, но и тоа се случува, се гледа, се доживува. Начинот на кој данците го интерпретираат овој спорт остава без здив. Изгледот на „Јуске Банк Боксен арената„ кога игра домашната репрезентација е фантастичен. Црвената боја и навивањето на домашната публика е навистина фантастично.
