ВИДЕО: Јоноски: „Да бевме здрави, можевме повеќе„

Столбот на нашата одбрана Ацо Јоноски ги одигра сите шест меча во Хернинг иако повредата на тетивата му создаваше проблеми и на последните два меча не беше максимално подготвен. Токму здравјето и повредите тој ги смета за главна причина зошто оваа генерација не направи и нешто подобар пласман:

„Ова европско првенство се надевам дека на младите играчи како Гоце Георгиевски и Дејан Манасков и уште неколкумина им донесе едно големо искуство. Од друга страна, првиот круг го видов многу позитивно, пренесовме два бода, иако никој на тоа не се надеваше. Во вториот круг се виде дека Унгарија не ни лежи, иако денес со Австрија видовме дека без Путич не е таа вистинска Унгарија. Наредниот меч против Исланд го отворивме со 4:0, на крајот загубивме, бевме блиску, но малку со поголема среќа и со здрави играчи мислам дека можеше да се направи и подобар резултат„ рече Јоноски, кој на неколку натпревари настапи и повреден, но на големите приредби за Македонија мора да се стегне заби и да се игра за националните бои, а Јоноски никогаш не бегал од одговорност и лавовскиот дел во одбраната главно го понесуваат тој и Велко Маркоски.